BRANDING

Laia Eskola Arabako Foru Aldundiaren proiektua da, Arabako emakumeen Berdintasun eta ahalduntzerako Eskola. Denborarekin, garrantzi handia hartu duena, eta bere ekintza-sarea berregituratu eta zabaldu behar izan duena, baita markaren ikuskera berri bat ere.

Laiak hainbat publiko, kuadrilla eta kontzejutara zabaldu ditu bere jarduera-eremuak, eta, horregatik, bere marka berriak pluraltasuna erakutsi behar zuen eta poliedrikoa izan behar zuen. Askotarikoa eta konplexua, alderdi, ikuspuntu… ugarirekin, Araban dauden bezainbeste emakume, gizon eta lurralderekin.

Emakume bakoitza gizarte bidezkoago eta aurreratuago bat eraldatzeko, batasuna bere kausa nagusi egiten duen kolektibo bateko kide da; horregatik, bere logoaren birformulazio honek DIMENTSIO BERRI BAT hartzen du, alde batetik, batu eta batzeko aukera ematen diguna; eta, bestetik, publiko berrientzako eta gizarte osoarentzako erakarpen-gune gisa agertzeko aukera ematen diguna.

Laiaren lerro grafiko berriak koherentea izan behar zuen bere marka berriaren balio eta identitatearekin.

KALEIDOSKOPIO batetik egindako ikuspegiaren bidez, marka berriaren balio horiek islatu nahi izan ditugu: pluraltasuna, marka poliedrikoa; askotarikoa eta konplexua, alderdi, ikuspuntu… ugari dituena, Araban dauden emakume, gizon eta lurralde adina

Ikuspegi horrek, gainera, Laiaren dinamismoa eta jarduera sozialaren energia islatzen ditu, aniztasunetik batasuna sortzen duen kolektibo gisa, lankidetza-sare baten bidez, gizartea kolektibo gisa eraldatzeko, justuagoa eta aurreratuagoa izan dadin.

Collage poetiko honen bidez, kaleidoskopioaren hodi magiko eta liluragarria gurekin lotzen dugu, sortzen diren formak bezain bereziak eta askotarikoak diren emakumeekin.

Ez dago emakume-prototipo bat bakarrik; horregatik, collage honetan Arabako emakumeen eta errealitateen aniztasuna islatzen da, ispilu baten alegoria, zeinean gutako bakoitza besteen isla baikara (kaleidoskopioak funtzionatzen duen moduan). Arabako lurraldearekin harreman zuzena duten forma organikoak, nortasuna indartzeko eta mugimendua, bira eta ekintza modu zuzenean gogora ekartzeko.

Ekintzarako dei hori #sigamosjuntos claim-ak indartzen du, batasunaren, baterako lanaren eta egin beharreko bidearen ideia indartzeko aginduzko deia.

Gizarteratzearen Euskal Agentzia hau, euskal sare instituzionalaren parte izango den erakunde berri bat da.

Zigor pribatiboak dituzten pertsonen berrezteko eta gizarteratzeko eskubidea aitortzen eta babesten duen agentzia, ordaindutako lanaren bidez, kulturarako sarbidea eta nortasunaren garapen integrala bermatuz.

Intentsitate handiko laguntza integrala.

Marka hau eraikitzeko, zerbitzuaren izaera eta ondorioak hartu genituen kontuan. Aldaketak eragiten dituzten aukeren balioa, metamorfosia, tximeleta baten bidez irudikatua (BERREZIKETA). Aldaketa eragiten duen anplifikazio bat sortzen da, kaosaren teoriaren bidez adierazia. Elkarrekikotasuna gizartean (BERGIZARTERATZEA) eta ALDAKETA sortzen dira: preso dagoen pertsona hori gizarteko kide produktibo bihurtzen da (GIZARTERATZEA)

Sinbolo LIKIDOA, MALGUA, OROITZAILEA

Anplifikatzen diren lerroak, amaierarik gabeko lerroak, infinituaren sinboloak.

Integratzailea, inklusiboa, integrala, eraldatzailea, pertsona.

EAB, adinekoen kolektiboak berak zuzendutako adinekoentzako politika publikoetan
aldaketa-eragile bat da. Etorkizunaren oraina dira eta gure historiaren etorkizuna.
Gaurko protagonistak dira adinekoentzako etorkizuneko gizarte-politika publikoak
eraikitzen eta bideratzen parte hartzen dutenak.
Oraina dira haiei balioa emateko unea delako, etorkizuna balio komunitarioekin
eraikitzeari begira, beren esperientziarekin eta ezagutzarekin aberasteko unea.

Lotzen diren formak, bideak eraikitzen dituztenak eta pentsamenduak batzen
dituztenak. Integrazioa, kogobernantza, gizatasuna.

Elkar elikatzen dute, hazten, elkar aberasten, kate baten katebegi gisa. Ahalduntzea,
talentua, lidergoa.

Chillidaren lanekin duen harremana, Euskadirekin lotzen gaituena eta omenaldi eta
erreferente gisa balio diguna. Gizakia, likidoa, garaikidea

Erabilitako koloreek energia, freskotasuna eta gogo bizia ekartzen dituzte gogora.
Talentua, kogobernantza, gizatasuna.

Osasuna zaintzea, ongizatearen eta bizitza-luzeraren sinonimoa da. Nutikom Osasuna zaintzeko detekzioan eta nutrizioan jarduten duen enpresa abangoardista da. Ikuspegi holistikoa duen enpresa bat, bere filosofian natura bizitzaren, zientziaren eta humanismoaren jatorri gisa bateratzen duena.

Urrezko proportzioa eta forma organikoa, bizia eta infinitua elkartuz, jatorrira eramaten gaituen eta ikuspegi mugagabea ematen digun isotipoa eraiki dugu. Eta era berean, tipografía sendo eta modernoarekin batera Nutikomen baloreekin bat datorren marka-filosofia transmititzea lortzen duena.