PUBLIZITATEA ETA KOMUNIKAZIO GRAFIKOA

Gure bizitzek aldaketa ekonomiko, sozial eta kulturala behar dute. Hain gogor astintzen ari zaigun osasun-krisi honek agerian utzi ditu emakumeek, oro har, eta landa-emakumeak, bereziki, dituzten arazoak.

Aurten Ekonomia Feminista jorratuko duen Berdintasunaren aldeko IV. Topaketa iragartzen duen grafiko honen bidez arazo estruktural horiek islatu nahi izan ditugu. Hiru barra edo zutabe nagusik, ekonomiako barra-grafikoen analogia gisa, emakumeek egindako funtsezko lanak erakusten dituzte; lan horiek gabe, bizitzaren sostengua erori egingo litzateke.

Lehenengo barra edo zutabean emakume zaintzailea eta ekonomiari eusten diona islatu dugu, familia aurrera ateratzeko edozer egiteko prest dagoen emakumea, hain zuzen ere. Alabak eta bilobak laguntzen dituzten amamak, sostengu ekonomiko zein soziala izanik. Berdin dio zenbat tenkatzen den soka, baita zein altu dagoen gailurra ere.

Ondoren, bigarren barran, emakume bat ikus dezakegu, ura lepoan duela, hain nekagarria den “lanaldi bikoitz” horretan itotzeko zorian. Buruan eskafandra bat dauka, eskuan denbora islatzen duen erloju bat eta oin bakoitzean uretan gero eta gehiago murgiltzen duen lasta bat: lapiko bat eta ordenagailu bat. Ia ezinezkoa da oreka hori lortzea kanpoko eta etxeko lanaren artean. Oraingo honetan, kolore urdina gailentzen da, itotzen duen ura bezalakoa.

Azkenik, hirugarren barra bat dugu. Bozgorailua eskuan duen emakume bat eta etxe orratzez inguratutako negozio-hiri batetik irtetzen ari den marrazo batek irensteko zorian dagoena. Bere burua ahaldundu nahi duena eta bere lana zail jartzen dion gizartearen aurrean bistaratu nahi duena.

GUZTIAK, PUBLIZITATEA ETA KOMUNIKAZIO GRAFIKOA, EKITALDIAK

Urteetan zehar ilustrazioz osaturiko kartelen proposamenen ondoren, oraingo honetan irudi grafikoaren aldaketa baten alde egin dugu kartel erretoriko, poetiko baten aldeko apustua eginez, limurtuz gozarazteko xedez. Kartelean, hain zuzen ere argazkigintza, sormenarekin indartuta, funtsezkoa da.

Horretarako, Karl Blossfeldt argazkilariaren irudi bat aukeratu dugu (1865- 1932), artista honek forma naturalekin lan egiten baitzuen, eta gure asmoa irudi natural hori emakumezkoen irudiarekin lotzea da, “Ama natura” gisa, bizirik dagoen guztiaren jatorri gisa. Horrela, irudia zuzendutako target nagusiarekin erlazionatzen saiatu gara, landa-inguruneko emakumeekin, naturan bizitzeko modu bati lotuta daudenak. Emakume horien egunerokotasuna bizitzaren eta euren sorreraren zuzeneko kontaktua da, baratzean, baserrian, berezko hezieran… eta heriotzan.

Bestalde, zahartzearen gaia modu poetiko eta iradokitzailean landu dugu, irudian agertzen diren forma naturalen berezko edertasunaren bitartez. Orriaren nerbioak adineko pertsona baten zimurrak eta zainen antza dute, bizitzaren lineak, hala eta guztiz ere ederrak direnak. Edertasuna zahartzaroan, egun gizarteak inposatzen dizkigun edertasun-ereduak direla eta mirestu nahi ez dugun edertasuna, alegia.

GUZTIAK, PUBLIZITATEA ETA KOMUNIKAZIO GRAFIKOA, EKITALDIAK

Trabajo Selected Awards 2019

Kuartango festara joateko prestatzen ari da eta horregatik erromeriaren eta egun handiaren kartelak prestatu ditugu. Udalerriaren tradizioak biltzen eta hain harro sentiarazten dituzten hiru kartel sortu ditugu. Oraingoz, jai egunen protagonistak ipini ditugu eta hona hemen emaitza.

GUZTIAK, PUBLIZITATEA ETA KOMUNIKAZIO GRAFIKOA, EKITALDIAK